“Sağlam və təhlükəsiz əmək şəraitinin yaradılması üzrə ilin ən yaxşı müəssisəsi (təşkilatı)” Respublika baxış-müsabiqəsinin qaliblərinə mükafatlandırılır
17 Nov 2020
Dövlət
Gömrük Komitəsinin Tibbi Xidmət İdarəsi Azərbaycan Həmkarlar İttifaqları
Konfederasiyası tərəfindən “Sağlam və təhlükəsiz əmək şəraitinin yaradılması üzrə
ilin ən yaxşı müəssisəsi (təşkilatı)” devizi altında keçirilən Respublika
baxış-müsabiqəsinin qalibi olub. Noyabrın 17-də qalib müəssisəyə mükafatların təqdimetmə
mərasimi olub. Mərasimdə Tibbi Xidmət İdarəsinin rəisi Ceyhun Məmmədov çıxış
edib.
O, iştirakçıları
17 Noyabr- Milli Dirçəliş Günü və Qarabağ uğrunda Vətən müharibəsində qazanılan
möhtəşəm qələbə münasibətilə təbrik edib. Bildirib ki, 44 gün ərzində
Respublika Prezidenti, Ali Baş Komandan cənab İlham Əliyevin əmri ilə keçirilən
əks-hücum əməliyyatları nəticəsində 30 ilə yaxın işğal altında qalan ərazilərimiz
azad edilib. Noyabrın 10-u Azərbaycanın tarixinə parlaq qələbə günü kimi daxil
oldu. Bu tarixi qələbəmiz bütün dünyaya Azərbaycanın güclü orduya, güclü
iqtisadiyyata malik olduğunu nümayiş etdirdi.
Gömrük İşçiləri Həmkarlar İttifaqı Birliyinin sədri Səfər İbrahimov çıxışında
bildirdi ki, “Tibbi Xidmət İdarəsində əməyin mühafizəsi, təminatı, əmək şəraitinə,
təhlükəsizlik qaydalarının tədrisinə, tətbiqinə və təlimatlandırmaya qayğı yüksək
səviyyədədir. İnanıram ki, Tibbi Xidmət İdarəsinin kollektivi bundan sonra da əmək
şəraitinin mütəmadi, yeni tələblərə uyğun yaxşılaşdırılmasına səy göstərəcəkdir”.
O, Tibbi Xidmət İdarəsinin rəisi Ceyhun Məmmədova AHİK-in Fəxri Diplomunu
və xatirə hədiyyəsi təqdim etdi.
Tədbirdə AHİK-in əmək müfəttişi Nadir Muradovun da çıxışı dinlənildi.
