AHİK-də Azərbaycan Nümayəndəliyinin rəhbəri ilə görüş olub
10 Jun 2019
İyunun 10-da AHİK sədri, Milli Məclisin deputatı Səttar Möhbalıyev Beynəlxalq Miqrasiya Təşkilatının Azərbaycandakı Nümayəndəliyinin rəhbəri cənab Vladimir Qyorqiyevi qəbul edib. Qeyd edək ki, V. Qyorqiyev 2019-cu ilin fevral ayından etibarən bu vəzifəni icra edir.
S.
Möhbalıyev qonağı Azərbaycanda fəaliyyətə başlaması münasibətilə təbrik edib və yeni missiyasında ona uğurlar
arzulayıb. Azərbaycan Həmkarlar İttifaqları Konfederasiyasının əmək miqrantları
ilə bağlı fəaliyyəti barədə qonağa məlumat verən S. Möhbalıyev bildirib
ki, həmkarlar ittifaqları qazanc üçün
ölkəyə gələn miqrantların əməyinin yerli sakinlərin əməyi kimi qiymətləndirilməsinə, onların həmkarlar ittifaqı tərkibində
hüqularının müdafiəsinə, işəgötürənin özbaşınalığından qorunmasına, ədalətli əməkhaqları
almasına çalışır.
Məlumdur
ki, həmkarlar ittifaqları olmayan və kollektiv müqavilələr bağlanmayan yerlərdə
işçilər işəgötürənlə təkbətək qalır və onların qanuni hüquqları müntəzəm olaraq
pozulur. Məzunuyyətlər verilmir, “xəstəlik vərəqələri” nəzərə alınmır, əməkhaqları
azaldılır, müdafiə üçün müraciət yerləri olmur. Əmək miqrantlarının həmkarlar
ittifaqına üzv olması hüquqi yardım almağa, qeyri-formal sektorda çalışan əmək
miqrantının leqallaşdırılması üçün müəssisə rəhbərinin əmək müqaviləsini imzalamasına
imkan yaradır.
S.
Möhbalıyev deyib ki, bu məqsədlərlə əmək miqrantları ilə iş üzrə AHİK-də İşçi
qrupu yaradılıb. İşçi qrupunun yaradılmasında əsas məqsəd əmək miqrantlarını
yeni ölkədə adaptasiya olunması üçün hüquq və imkanlar bərabərliyi haqqında məlumatlandırmaq,
izahat və dəstək vermək, onların ölkədə yaşayışı, iş axtarışı, əmək bazarına
çıxışı, əmək və sosial hüquqlarının həyara keçirilməsi, ixtisasartırma, təhsil,
tibbi xidmətə və s. görə dövlət qurumları və hüquq-mühafizə orqanları ilə əlaqənin
yaradılması üçün təşkilatlanmasına, həmkarlar ittifaqlarında və ictimai birliklərdə
iştirak etmələrinə yardımçı olmaqdır.
AHİK
sədri qeyd edib ki, biz uzun illərdir ölkəmizdə yaşayan, işləyən miqrantların
sosial-iqtisadi hüquqlarının qorunması istiqamətində addımlar atırıq. İşləyən
miqrantların həmkarlar ittifaqları təşkilatlarına üzv olunmasına çalışırıq. Son
illərdə təşkilatımızın Rusiya Federasiyasının Sverdlovsk, Volqoqrad, Həştərxan
və s. vilayətlərinin həmkarlar təşkilatları ilə apardığı müzakirələrin nəticəsi
olaraq müəyyən nailiyyətlər əldə etmişik. Deməliyəm ki, həmin vilayətlərdə
çoxlu sayda həmvətənlərimiz yaşayırlar.
Orada yaşayan və çalışan Azərbaycanlı vətəndaşların hüquqlarının
qorunması istiqamətində mühüm işlər görülüb. Yaxın vaxtlarda bu istiqamətdə
yuxarıda qeyd etdiyim vilayətlərin həmkarlar ittifaqı təşkilatları ilə əməkdaşlıq haqqında müqavilələr imzalanıb və bu istiqamətdə işlər davam etdirilir.
S.
Möhbalıyev daha sonra vurğulayıb ki, Azərbaycan Həmkarlar İttifaqları Konfederasiyası ölkəmizin
Miqrasiya Xidməti ilə işgüzar və əməkdaşlıq
əlaqələrinə malikdir. Söhbətimiz əsnasında sadalanan bir çox məsələlərin həllində
həmin qurumla əlaqələrimizin böyük rolu vardır.
Daha
sonra S. Möhbalıyev qonağa ölkənin ən böyük ictimai təşkilatı olan Həmkarlar
ittifaqları və onun fəaliyyəti haqqında məlumat verərək deyib ki, Azərbaycan həmkarlar
ittifaqları öz sıralarında milyon yarım həmkarlar ittifaqı üzvünü birləşdirir.
Bu yaxınlarda Azərbaycan həmkarlar ittifaqlarının yaranmasının 110 illiyinin
geniş şəkildə qeyd edilməsi bu təşkilatın
böyüklüyünü və cəmiyyətdəki nüfuzunu bir daha təsdiq edir.
Beynəlxalq Miqrasiya Təşkilatının Azərbaycan
Nümayəndəliyinin rəhbəri Vladimir Qyorqiyev öz növbəsində səmimi qəbula və
dolğun məlumata görə AHİK sədrinə minnətdarlığını
bildirib və deyib ki, təşkilatınız tərəfindən insanlara, çalışanlara
yaratdığınız şəraitə, göstərdiyiniz hüquqi dəstəyə görə sizi alqışlayırıq və öz
tərəfimizdən hər çür dəstək göstərəcəyimizə əmin edirik. Mən əminəm ki bundan sonra da əməkdaşlığımız
daha yüksək zirvələrə doğru hərəkət edəcəkdir.
