AHİK-də tələbələrə adlı təqaüdlər və mükafatlar təqdim olundu
02 Mar 2016
2016-cı ilin mart ayının 2-də Azərbaycan Həmkarlar İttifaqları Konfederasiyasında Azərbaycan Təhsil İşçiləri Azad Həmkarlar İttifaqı Respublika Komitəsinin adlı təqaüdlərinin və 2015-ci ildə beynəlxalq tədbirlərdə uğur qazanan bir qrup tələbəyə Fəxri Fərmanlar və pul mükafatlarının təqdim edilməsi mərasimi keçirilib.
AHİK-i sədri, Milli Məclisin
deputatı Səttar Mehbalıyev tələbələri adlı təqaüdlər və mükafatlar almaları
münasibətilə təbrik edib və onlara təhsildə yeni uğurlar arzulayıb.Qeyd edək ki, Azərbaycan
Təhsil İşçiləri Azad Həmkarlar İttifaqı Respublika Komitəsinin adlı təqaüdü
1995-ci ildə təsis edilib. Təqaüd qış və yay imtahan sessiyalarının
nəticələrinə görə əla və yaxşı qiymətlərlə oxuyan və həmkarlar ittifaqı fəalı
olan tələbələrə verilir. Bugünkü tədbirdə 20 ali məktəbin 61 nəfər tələbəsinə
adlı təqaüd təqdim edilib. İndiyə qədər isə 1907 tələbə bu ada layiq görülüb.
Eyni zamanda 2015-ci ildə
beynəlxalq miqyaslı musiqi, incəsənət, idman və elmi müsabiqələrdə iştirak
edərək yüksək nailiyyətlər qazanan 22 tələbə də Azərbaycan Təhsil İşçiləri Azad
Həmkarlar İttifaqı Respublika Komitəsinin Fəxri Fərmanı və pul mükafatları ilə
təltif edilib.
