Ahıllar Evində görüş keçirilib
08 Oct 2018
Oktyabrın 8-də Sahibkarlıq, Özəl Elm və Yüngül Sənaye İşçiləri Həmkarlar İttifaqı Respublika Komitəsinin bir qrup əməkdaşı Ahıllar Günü münasibətilə Bilgəhdə Müharibə və Əmək Əlilləri üçün Pansionatda (Ahıllar evində) olublar.
Tədbiri Respublika Komitəsinin sədri Məhəmmədəli Salmanov
açaraq bildirib ki, rəhbərlik etdiyi sahənin əməkdaşları bu məkana vaxtaşırı
baş çəkməyi, onun sakinləri ilə görüşüb təmasda olmağı, diqqət və qayğı göstərməyi
özlərinə mənəvi borc sayırlar. O, Azərbaycan Həmkarlar İttifaqları
Konfederasiyasının sədri, millət vəkili Səttar Möhbalıyevin salamlarını və ən
xoş arzularını görüş iştirakçılarına çatdırıb.
Səttar müəllim yaxşı bilir ki, sizin əksəriyyətiniz vaxtilə iş yerlərinizdə
həmkarlar ittifaqının üzvü olmuş, bu təşkilatın inkişafına töhfələr vermisiniz
Təbii ki, biz sizin ziyarətinizə müxtəlif sovqatlarla gəlmişik. Amma hiss
edirik ki, sizi hədiyyələrimizdən daha çox mənəvi yaxınlıq, isti münasibət
sevindirir, həyatınızı rövnəqləndirir. Azərbaycan Respublikasının Prezidenti İlham
Əliyevin diqqəti sayəsində dövlətimiz sizə rahat yaşamaq üçün hər cür şərait
yaradıb. Yaşadığınız bina tam təmirli və səliqəlidir. Buradakı şərait göz
oxşayır. Pansionatın işçiləri sizə qayğıkeşlilə yanaşırlar. Səmimi və gülərüzdürlər.
Yeməkxananızda yeməklərin çeşidi geniş və sağlamlıq üçün faydalıdır.
Pansionatda yaşayan insanlar onlara göstərilən diqqət və
qayğıya görə ölkə rəhbərliyinə, həmkarlar ittifaqları kollektivlərinə, bu
sağlamlıq ocağının müdiriyyətinə öz minnətdarlıqlarını bildirdilər.
Görüş Respublika
Komitəsinin əməkdaşlarının təşkil etdiyi süfrə ətrafında davam edib. Gətirilən
sovqatlar Ahıllar evinin sakinlərinə təqdim edilib. Respublika Komitəsinin xidmətində
olan Z.Tağıyev adına Toxuculuq Kombinatının özfəaliyyət ansamblının ifasında
mahnılar, rəqslər səsləndirilib.
