Azərbaycan Respublikasının birinci vitse-prezidenti, möhtərəm Mehriban xanım Əliyevaya!
21 Feb 2017
Çox hörmətli Mehriban xanım!
Sizi, Azərbaycan Respublikasının birinci
vitse-prezidenti təyin edilməyiniz münasibətilə
Azərbaycan Həmkarlar ittifaqlarının çoxminli üzvləri adından və şəxsən
öz adımdan səmim-qəlbdən təbrik edir, yüksək dövləti vəzifənizdə Sizə Azərbaycanımızın
gələcək inkişafı və tərəqqisi naminə
uğurlu fəaliyyət arzulayırıq.
Sizin Heydər Əliyev Fondunun prezidenti, UNESCO-nun və ISESCO-nun xoşməramlı
səfiri kimi çoxşaxəli fəaliyyətiniz,
bilavasitə rəhbərliyiniz və təşəbbüsünüzlə həyata keçirilən layihələrin, həmçinin fəal
parlament fəaliyyətinzin istər ölkə daxilində, istərsə də xaricdə böyük rəğbət
qazandığı bütün xalqımıza məlumdur. 1995-ci ildə təsis etdiyiniz Azərbaycan Mədəniyyət
Fondu və 2004-cü ildən rəhbəri olduğunuz Heydər Əliyev Fondu tərəfindən ölkənin
mədəni irsinin geniş şəkildə təbliğ edildiyi, ələlxüsus da Heydər Əliyev
Fondunun respublikanın daxilində və xaricdə çox önəmli sosial və mədəni layihələr
həyata keçirməsi bilavasitə Sizin adınızla bağlıdır.
Sizin xeyriyyəçilik fəaliyyətinizdə uşaqlara və yaşlı
insanlara qayğı xüsusi yer tutur. Siz onların qarşılaşdıqları problemlərin
aradan qaldırılması üçün mühüm işlər görürsünüz, Məhz Sizin təşəbbüsünüzlə yeni
məktəblər, xəstəxana binaları, musiqi tədris müəssisələri inşa olunub,
Respublika Talassemiya Mərkəzində keçirilən qan donorluğu, habelə ana südü ilə
qidalandırma üzrə maarifləndirmə aksiyalarının, eləcə də xüsusi ehtiyacı olan
uşaqlar üçün yay düşərgələrinin təşkili, ahıllara istər tibbi, istərsə də maddi
yardım göstərilməsi Sizin əvəzsiz xidmətlərinizdir.
Zəngin milli musiqi irsimizin təbliği ilə bağlı Heydər Əliyev Fondunun dəstəyi ilə müasir
Muğam Mərkəzinin inşasının Azərbaycan muğamına yeni nəfəs gətirməsi, bu xalq
musiqisinin Fondun xətti ilə xarici ölkələrdə təşkil edilən mədəniyyət tədbirlərində
xüsusi yer tutduğunu fərəhlə qeyd etmək olar. Həmçinin dünyanın müxtəlif ölkələrindən
istedadlı musiqiçilərin iştirak etdikləri Beynəlxalq Qəbələ Musiqi Festivalının
müntəzəm şəkildə keçirilməsində də Fondun dəstəyi önəmli yer tutur.
Çox hörmətli Mehriban xanım!
Rəhbərlik
etdiyiniz Heydər Əliyev Fondunun mədəniyyətlər arasında əməkdaşlıq və dialoq
platformasının qurulmasında fəal iştirakı sayəsində dünya mədəniyyətində, eləcə
də qlobal bəşəri dəyərlər, sülh və tolerantlıqda öz izini qoyub. Luvr muzeyində İslam incəsənəti bölməsi
yaradılıb, Versal sarayının parkında, Luvr Muzey Kompleksində, Berlin şəhər
sarayında və digər Avropa şəhərlərində qədim tarixi binalar bərpa edilib. Eyni
zamanda, Fondun Vatikanda qədim əlyazmaların bərpasını, eləcə də Romada
Kapitolini Muzeyinin “Filosoflar zalı”nın təmiri həyata keçirilib.
Tolerantlıq və sülh dəyərlərinin Heydər Əliyev
Fondunun həm daxili, həm də xarici fəaliyyətində başlıca hədəfləri kimi Siz Azərbaycanda
dini tolerantlığın mövcud olduğunu, müxtəlif din mənsublarının sülh içində birgə
yaşadıqlarını nümayiş etdirən, qlobal səviyyədə dinlərarası dialoqu təşviq edən
tədbirlər təşkil etmisiniz. “Azərbaycan
– tolerantlıq diyarı” şüarı altında Fondun bir çox məscid və kilsənin inşasına
və ya təmirinə dəstək göstərmisiniz.
Bundan əlavə, Heydər Əliyev Fondunun Rusiya, Pakistan və digər
ölkələrdə müxtəlif xeyriyyə aksiyaları təşkil edilib. Pakistanda peyvənd
aksiyalarının, açıq ürək əməliyyatlarının keçirilməsi, göz xəstəxanasına və
talassemiya mərkəzinə ianələrin təqdim edilməsi, qan donorluğu aksiyalarının təşkil
olunması da Sizin xidmətlərinizdir.
Bütün bu
nəcib əməllərə görə Siz, 2004-cü və
2006-cı illərdə müvafiq olaraq UNESCO və ISESCO kimi nüfuzlu beynəlxalq təşkilatların
xoşməramlı səfiri adını qazanmısınız.Azərbaycan Gimnastika Federasiyasına rəhbərliyiniz
dövründə bu idman növündə canlanma yaratmısınız.
2015-ci ildə Azərbaycanda
birinci Avropa Oyunlarının yüksək səviyyədə keçirilməsi məhz Sizin sədrlik
etdiyiniz Təşkilat Komitəsinin adı ilə bağlıdır. 2017-ci ildə ölkəmizdə
keçirilməsi nəzərdə tutulan IV İslam Həmrəyliyi Oyunları üzrə Təşkilat Komitəsinin
sədri missiyasının da Sizə həvalə edilməsi dövlətimiz və xalqımız qarşısında
göstərdiyiniz misilsiz xidmətlərin bariz göstəricisidir.
Sizin çoxşaxəli
və yorulmaz fəaliyyətinə verilən yüksək mükafatlar arasında Fransanın “Şərəf
Legionu” ordeninə, Pakistanın ən ali dövlət mükafatı olan “Hilal e Pakistan”
ordeninə, Polşa Respublikasının “Xidmətlərə görə” Böyük Komandor Xaçı ordeninə,
Serbiya Dövlət Ordeninə, eləcə də Dünya Səhiyyə Təşkilatı İcraiyyə Komitəsinin
mükafatına, UNESCO-nun “Qızıl Motsart” medalına, “Qızıl ürək” beynəlxalq
mükafata və digər tüksək mükafatlara iayiq görülməyiniz görkəmli ictimai
xadim kimi əməyinizə verilən yüksək qiymətin
və dəyərin təzahürüdür.
Çox hörmətli Mehriban xanım!
İcazə verin, bir daha Sizi yüksək dövlət vəzifəsinə təyin
olunmağınız nünasibətilə ürəkdən təbrik edim, Sizə möhkəm
cansağlığı və xoşbəxtlik arzulayım.
Dərin hörmətlə; Səttar Möhbalıyev
Azərbaycan Həmkarlar
İttifaqları Konfederasiyasının sədri,
Milli Məclisin deputatı
