FHN işçiləri həmkarlar ittifaqının komitə sədrləri Naxçıvan şəhərinin görməli yerləri ilə tanış olublar
23 Jul 2018
Xalqımızın ümummilli lideri Heydər Əliyevin anadan olmasının 95 illiyi münasibətilə Fövqəladə Hallar Nazirliyi (FHN) işçilərinin həmkarlar ittifaqının komitə sədrlərinin bir qrupunun Naxçıvan şəhərinin tarixi yerlərinə, muzeylərinə tanışlıq səfəri təşkil edilib.
Nazirlik
işçilərinin həmkarlar ittifaqı komitəsinin sədri Mehman İsmayılov və FHN-in
Aparatında, regional mərkəzlərində və qurumlarında fəaliyyət göstərən komitələrin
sədrləri əvvəlcə “Əcəmi” seyrəngahına gələrək ümummilli lider Heydər Əliyevin
büstünü, Ulu Öndərin Naxçıvan şəhərinin mərkəzi meydanında əzəmətlə ucalan abidəsini
və Heydər Əliyev Muzeyini ziyarət ediblər.
Muzeylə tanışlıq zamanı iştirakçılara ümummilli lider
Heydər Əliyevin mənalı həyatı və çoxşaxəli siyasi fəaliyyəti haqqında ətraflı məlumat
verilib, muzeyin yaranma tarixindən danışılıb. Ulu Öndərlə bağlı xatirə və məlumatları,
eksponantları özündə əks etdirən muzeylə yaxından tanışlıq qonaqlarda zəngin təəssürat
yaradıb.
Sonra Naxçıvan Dövlət Tarix Muzeyi və Naxçıvan Xalça
Muzeyi ilə tanış olan iştirakçılar buradakı nadir eksponatlara böyük maraqla
baxıblar.
Səfər proqramı çərçivəsində qonaqlar “Əlincəqala” Tarix-Mədəniyyət
Muzeyi, “Naxçıvanqala” Tarixi Memarlıq Kompleksi və "Xan Sarayı" Dövlət
Tarix-Memarlıq və Açıq Səma Altında Muzey Kompleksi ilə də yaxından tanış olub,
bu tarixi abidələr haqqında ətraflı məlumat alıblar.
