Hər kəsin qayğısına qalan bir Avropaya doğru
23 Apr 2020
Aprelin 23-də Avropa Şurasının videokonfrans bağlantısı ərəfəsində Qitənin aparıcı vətəndaş cəmiyyəti institutlarının böyük bir qrupu toplaşaraq COVİD-19 böhranından sonrakı vəziyyəti müzakirə ediblər.
Daha sonra bəyanat qəbul
olunub. Avropa həmkarlar ittifaqları və həmkarlar ittifaqları
federasiyaları adından bəyanatı Avropa Həmkarlar İttifaqları Konfederasiyası
imzalayıb.
Bəyanatdakı bəzi əsas məqamlar bunlardır:
- İnfeksiyanın qarşısını almaq, insan həyatını xilas etmək
və pandemiyanın davam edən təsirini minimuma endirmək üçün həmrəyliyə əsaslanan
inteqrasiya strategiyasını yaratmaq. Buraya COVİD-19 üçün hazırlanmış hər hansı
bir peyvəndin və ya müalicənin hamı üçün əlverişli olması və dərman sənayesinin
qazancını səhiyyədən üstün qoyan patent qaydalarına yenidən baxılması tələb
edilməlidir.
- Fövqəladə hallarda məhdudlaşdırıcı tədbirlərin yalnız
pandemiyaya qarşı mübarizə üçün nəzərdə tutulmasını təmin etmək, zamanla məhdudlaşmasını,
qanunun aliliyi prinsipinə cavab verməsini və Aİ-nin fundamental dəyərləri ilə
uyğun olmasını təmin etmək. Eyni zamanda dialoq aparmaq və mütəşəkkil bir vətəndaş
cəmiyyətini qorumaq lazımdır.
- Avropada sərt iqtisadiyyat erasına son qoymaq, qeyri-bərabərlik
problemlərinin həllinə üstünlük verən və insanların rifahına sərmayə qoyan
makroiqtisadi bazanın yaradılması, həmçinin bizi dəstəkləyən ətraf mühitin
qorunması üzərində işləmək. Xilasetmə və bərpa tədbirlərinin ödənilməsinə kömək
etmək üçün iri şirkətlər və fərdlərə vergi güzəştləri tətbiq etmək.
- İşçilərin hüquqlarının və məşğulluğun qorunmasının möhkəmləndirilməsi,
insanların gəlirlərinin dəstəklənməsi və əmək bazarından kənarda qalanların
müdafiəsi üçün tədbirlər görmək. Bütün tədbirlər Avropadakı və AB-nin tərəfdaş
ölkələrindəki vəziyyətə əsaslanmalıdır. Xüsusilə səhiyyə işçiləri, qulluqçuluq
edən və qeyri-standart məşğulluq şəraitində çalışan, əksəriyyəti qadınlar olan
işçiləri nəzərə almaq lazımdır.
- Qlobal səviyyədə səhiyyə sistemini və insanları dəstəkləmək.Yaşayış
yerindən, irqindən, milliyyətindən, dilindən və digər amillərdən asılı
olmayaraq hamını əsas xidmətlərlə təmin etmək.
