İcraiyyə Komitəsinin iclası keçirilib
06 Nov 2018
Noyabr ayının 6-7-də Belçikanın Brüssel şəhərində Avropa İctimai Xidmətlər üzrə Həmkarlar İttifaqları Federasiyasının (EPSU) İcraiyyə Komitəsinin 58-ci iclası keçirilib.
İclasda EPSU-nun növbəti Konqresinin 2019-ci ilin iyul
ayında İrlandiyanın Dublin şəhərində keçiriləcəyi təsdiqlənib. Konqresə
hazırlıq məqsədilə oktyabrın 25-də qəbul olunmuş “Fəaliyyət Proqramı” təsdiq
edilib.
“İş saatı” haqqında yeni qanunu və sosial təminat
orqanlarını zəiflədən təklifləri ləğv etmək üçün davamlı mübarizə aparan üzv təşkilatlar
dəstəklənib.
EPSU-nun Baş katibi Yan Villyam Qudrian bu qurumun
prezident vəzifəsinə öz namizədliyini irəli sürüb.
İclasda Azərbaycan Mədəniyyət İşçiləri Həmkarlar İttifaqı
Respublika Komitəsinin sədri Cəmilə Səttarova və beynəlxalq əlaqələr və
informasiya şöbəsinin müdiri Zaur Həmidov iştirak ediblər.
