Dövlət gənclər siyasətinin əsas istiqamətlərindən biri istedadlı və yaradıcı gənclərin üzə çıxarılması, yaradıcılıq qabiliyyətlərinin inkişaf etdirilməsidir. Gənc istedadları üzə çıxarmaq, onların yaradıcılıq potensialını inkişaf etdirmək daim həmkarlar ittifaqlarının diqqət mərkəzində olmuşdur. Bu məqsədlə AHİK mədəni hamiliyə götürdüyü C. Naxçıvanski adına hərbi liseydə gənclərin vətənpərvərlik ruhunda tərbiyə olunması, asudə vaxtlarının səmərəli keçməsi üçün müntəzəm olaraq mədəni – kütləvi tədbirlər, yarışlar, müsabiqələr keçirir.

Bir ənənə olaraq hər il keçirilən “Azərbaycan əsgəri” və “Vətənə  xidmət edirik” müsabiqələri bu dəfə ulu öndər H. Əliyevin 90 – illiyinə həsr edilmişdi. Aprel ayından elan olunmuş bu müsabiqələrə 100 – dən artıq kursant qoşulmuşdu. İkinci mərhələyə keçid alan bədii qiraətçilər və rəsm həvəskarları öz istedadlarını AHİK – in münsiflər heyəti qarşısında nümayiş etdirmişlər.

Mayın 5-də C. Naxçıvanski adına hərbi liseydə müsabiqə qaliblərinin mükafatlandırılması mərasimi keçirilmişdir.

Bədii qiraət üzrə I yerə 2114 – cü tağımın kursantı Azay Abbasov, II yerə 1032 və 1042 – ci tağımın kursantları Vüsal Nəsirov və Simran Tahirov layiq görülmüşdür. III yerlər isə 2102, 3134, 1033- cü tağımın kursantları Ceyhun Orucov, Məmmədağa Ağaquliyev və Fərid Hənifəzadə arasında bölüşdürülmüdür.

Rəsm üzrə I yeri ulu öndər Heydər Əliyevin portretinin və digər maraqlı işlərin müəllifi 3173- cü tağımın kursantı Nəcibulla Zahirov tutmuşdur.  II yerə 1033 və 3134 – cü tağımın kursantları Elşən Salmanov və Rüfət Əhmədzadə, III yerə 1044, 1054, 1051 – ci tağımın kursantları Şahin Abbaslı, Ülvi Ələkbərli və İzzət Yolçuyev layiq görülmüşlər. Digər fərqlənən kursantlar AHİK – in diplomlarına və həvəsləndirici mükafatlara layiq görülmüşdür. Bunlardan əlavə müsabiqənin keçirilməsində xüsusi fəaliyyət göstərən Azərbaycan dili və ədəbiyyatı müəllimləri Əzizağa Nəcəfov, Gülşən Əhmədova, Vəli Vəliyev, rəsmxət müəllimi Almaz Budaqova, həmkarlar komitəsinin sədri Sahib Əsədov və baş təlimatçı – psixoloq Məhərrəm Fərziyev AHİK – in diplomları ilə təltif olunmuşdur.

Qaliblərə qiymətli hədiyyələr və diplomlar  H. Əliyevin 90 – illiyinə həsr olunmuş təntənəli yığıncaqda şəxsi heyət qarşısında təqdim edilmişdir.