Nəqliyyat, Rabitə və Yüksək Texnologiya İşçiləri Hİ Respublika Komitəsinin Rəyasət Heyətinin iclasında təşkilat məsələlərinə baxılıb
10 Jun 2020
İyunun 10-da Nəqliyyat, Rabitə və Yüksək Texnologiya İşçiləri Həmkarlar İttifaqı Respublika Komitəsinin Rəyasət Heyətinin iclası keçirilib.
İclasda AHİK-in sədri, Milli Məclisin deputatı Səttar
Möhbalıyev çıxış edərək gündəlikdə duran məsələləri iştirakçıların nəzərinə
çatdırıb.
S. Möhbalıyev bildirib ki, Respublika Komitəsinin sədri Seymur Orucov
başqa işə keçməsi ilə əlaqədar tutduğu vəzifədən azad olunması ilə bağlı Rəyasət
Heyətinə ərizə ilə müraciət edib. Rəyasət Heyətinin üzvləri S. Orucovun Həmkarlar
İttifaqı Respublika Komitəsinin sədri vəzifəsindən azad olunması haqqında qərar
qəbul ediblər.
Rəyasət Heyətinin qərarı ilə Respublika Komitəsinin sədri
vəzifəsinin icrası Rəşad Səfərova həvalə edilib. Bundan əvvəl R.Səfərov
Respublika Komitəsi sədrinin müavini vəzifəsində
çalışıb.
İclasda S. Möhbalıyev Nəqliyyat, Rabitə və Yüksək
Texnologiya İşçiləri Həmkarlar İttifaqının
qarşısında duran vəzifələrdən danışıb və Rəyasət Heyətinin üzvlərinə öz tövsiyələrini
çatdırıb.
