Ordu sıralarına könüllü yollanmış metropolitençilərin ailələrinə yardımlar edilib
20 Oct 2020
Azərbaycan Respublikası Prezidentinin müvafiq Sərəncamına əsasən ölkədə qismən elan edilmiş səfərbərliklə bağlı “Bakı Metropoliteni” QSC-nin bəzi əməkdaşları da ordu sıralarına çağırılmışdır. MİHİ-nin və “Bakı Metropoliteni” QSC-nin Sədrləri arasında aparılmış danışıqlar nəticəsində ölkədə elan edilmiş qismən səfərbərliklə bağlı ordu sıralarına çağırılmış metropoliten işçilərinə maddi yardım göstərilməsi barədə razılığa gəlinmişdir.
Yuxarıda göstərilənlər MİHİ-nin İK-nin 12.10.2020-ci il
tarixində keçirilmiş iclasının 49 saylı protokol qərarında öz əksini tapmışdır.
Qismən səfərbərliklə bağlı ordu sıralarına çağırılmış
metropoliten işçiləri üçün alınmış ərzaqların
onların ailələrinə çatdırılması 20.10.2020-ci il tarixində MİHİ-nin əməkdaşları
tərəfindən təmin edilmişdir.
MİHİ-nin əməkdaşları tərəfindən metropoliten işçilərinin
ailələrinə ərzaqlar çatdırılarkən, onların ailə vəziyyətləri ilə maraqlanılmış,
problemləri dinlənilmiş və imkan daxilində köməklik göstərilmişdir.
