Qərəzli məlumatlar yayanlar vicdanlarının səsinə də qulaq asmalıdırlar
11 Sep 2020
Son günlər sosial mediada Azərbaycan Həmkarlar İttifaqları Konfederasiyasının sədri, millət vəkili Səttar Möhbalıyevlə bağlı həqiqətə uyğun olmayan, heç bir dəqiq faktlara əsaslanmayan, qərəzli, böhtan xarakterli məlumatlar yayılır.
Belə ki, Həmkarlar İttifaqlarında, AHİK-in nəzdindəki “Kurort” Qapalı Səhmdar Cəmiyyətində baş verən korrupsiya faktlarını araşdıran yoxlamaların aparıldığı, AHİK sədrinin fəaliyyətinin araşdırıldığı, ailə biznesi, ölkədə olmadığı, hal-hazırda Antalyada istirahət etdiyi və s. qərəzli, cəfəngiyyat xarakterli məlumatlar bir sıra saytların, qəzetlərin başlıqlarına çıxarılır.Bununla əlaqədar olaraq Azərbaycan Həmkarlar İttifaqları Konfederasiyasının mətbuat və ictimaiyyətlə əlaqələr şöbəsi bildirir ki, ucuz sensasiya xatirinə yayılan, mənbəyi şübhə doğuran belə informasiyalar reallığı əks etdirmir.Yayılan məlumatlarla əlaqədar bildiririk ki, AHİK-də hər hansı bir məsələ ilə bağlı yoxlama, araşdırma aparılmır, AHİK-in sədri Bakıda öz iş yerindədir və bu məsələlərlə bağlı yayılan böhtan xarakterli,qərəzli məlumatların heç bir əsası yoxdur.
