Sabahın alimlərinə yaşıl işıq
16 Feb 2017
“Sabahın alimləri" mü-sabiqəsində iştirak edən şagirdlərin sayı ildən-ilə artır. Fevralın 16-da Azərbaycan Milli Elmlər Akademiyasının (AMEA) Mərkəzi Elmi Kitabxanasında "Sabahın alimləri" altıncı respublika müsabiqəsinin açılış mərasimi olub.
Təhsil, Gənclər və İdman nazirlikləri, Azərbaycan Milli
Elmlər Akademiyası, Heydər Əliyev Mərkəzi, Azərbaycan Respublikasının
Prezidenti yanında Bilik Fondu, Azərbaycan Təhsil İşçiləri Azad Həmkarlar
İttifaqı Respublika Komitəsi və "İntel" şirkəti tərəfindən birgə təşkil
olunan müsabiqədə ümumtəhsil müəssisələrinin IX-XI sinif şagirdləri iştirak
ediblər.
Müsabiqənin təşkilinin əsas məqsədi şagirdlərə tədqiqat
aparmaq, elmi nailiyyətlərini nümayiş etdirmək imkanı yaratmaq və onların
arasından ABŞ-da hər il keçirilən İntel İSEF-İntel - Beynəlxalq Elm və Mühəndislik
Sərgisində iştirak edəcək namizədləri müəyyənləşdirməkdir.
Tədbirdə təhsil naziri Mikayıl Cabbarov çıxış edərək
müasir dünyada elmin, təhsilin mühüm rolunu qeyd edib. Ölkəmizdə təhsil sahəsində
aparılan islahatların gənclərdə müasir düşüncə tərzinin formalaşmasına, onların
tədqiqatyönümlü fəaliyyətə cəlb edilmələrinə istiqamətləndiyini diqqətə
çatdırıb. M.Cabbarov qeyd edib ki, ötən il ümumtəhsil məktəblərini qızıl və
gümüş medalla bitirmiş 158 məzundan 38-i son dörd ildə keçirilmiş "Sabahın
alimləri" müsabiqəsinin qalibləri və ya iştirakçıları olub. Hazırda onlar
Azərbaycanın və xarici ölkələrin nüfuzlu universitetlərində təhsil alırlar.
AMEA-nın prezidenti Akif Əlizadə müsabiqə iştirakçılarına
akademiyanın 40-dan çox elmi müəssisəsində, elmi-tədqiqat institutlarının
laboratoriyalarında tədqiqat aparmaq üçün şərait yaradıldığını deyib.
AHİK sədri, millət vəkili Səttar Mehbalıyev isə çıxışında
bu tədbirin əhəmiyyətindən danışıb.
Bu müsabiqələrdə şagirdlərin təqdim etdiyi layihələri Azərbaycanda
həyata keçirilən təhsil siyasətinin uğurlu nəticələri kimi dəyərləndirib. Səttar
müəllim deyib, Azərbaycan Respublikasının Prezidenti cənab İlham Əliyevin
"neft kapitalının insan kapitalına çevrilməsi" ideyası bu gün
reallığa çevrilib. Ölkəmizin və dünyanın aparıcı təhsil müəssisələrində təhsil
alan gənc, istedadlı mütəxəssislər iqtisadiyyatımızın inkişafında mühüm rol
oynayırlar. Məhz gənclərimizin iştirakı ilə son illərdə iqtisadiyyatımızda
qeyri-neft sektorunun payı əhəmiyyətli dərəcədə artıb.
Ölkəmizdə təhsilin prioritet sahə elan olunması, "Azərbaycan
Respublikasında təhsilin inkişafı üzrə Dövlət Strategiyası"nın uğurla
icrası, təhsil infrastrukturunun müasir tələblərə uyğun qurulması, təhsilin məzmununun
yeniləşdirilməsi, təhsil müəssisələrinin informasiya-kommunikasiya
texnologiyaları (İKT) ilə təmin edilməsi, təhsilin informasiyalaşdırılması və
çoxsaylı layihələrin, tədbirlərin, müsabiqələrin həyata keçirilməsi gənclərimizin
inkişafını şərtləndirir. Sevindirici haldır ki, artıq Azərbaycanın istedadlı gənclərinin
səsi dünyanın aparıcı təhsil və elm müəssisələrindən gəlir, Azərbaycanınngənc mütəxəssisləri dünyaca məhşur olan şirkətlərdə
çalışır, beynəlxalq maliyyə qurumlarında təmsil olunur.
S.Mehbalıyev sonra dedi, Təhsil İşçiləri Azad Həmkarlar
İttifaqının Respublika Komitəsi Təhsil Nazirliyi tərəfindən keçirilən bu
müsabiqənin təşkilat komitəsində iştirakından çox məmnundur. Çalışacağıq ki,
müsabiqənin təşkili ilə bağlı üzərimizə düşən bütün öhdəlikləri yüksək səviyyədə
yerinə yetirək. Eyni zamanda ümid edirik ki, müsabiqədə ən bilikli, ən layiqli
şagirdlərimiz qalib olacaqlar. Onlar ölkəmizi, təhsilimizi ABŞ-da keçiriləcək
İntel İSEF Beynəlxalq Elm və Mühəndislik Sərgisində ləyaqətlə təmsil edəcəklər.
Əminliklə qeyd edirəm ki, "Sabahın alimləri" VI Respublika Müsabiqəsinin
iştirakçıları gələcək elmi fəaliyyətlərində bu müsabiqəni minnətdarlıqla
xatırlayacaq, Azərbaycan elminin inkişafına layiqincə xidmət göstərəcəklər.
Bilik Fondunun icraçı direktoru Oktay Səmədov, gənclər və
idman nazirinin müavini İntiqam Babayev müsabiqənin elmin, təhsilin inkişafında
töhfələri ilə bağlı fikirlərini bölüşüb, məktəblilərə uğurlar arzulayıblar.
Tədbirdə məlumat verilib ki, "Sabahın alimləri"
müsabiqəsində ölkəmizin 13 şəhər və rayonunun ümumtəhsil məktəblərində təhsil
alan 302 şagird 125 elmi layihə ilə (onlardan 48-i fərdi, 77-si isə kollektiv
layihədir) iştirak edir. Müsabiqə riyaziyyat, fizika, kimya, biologiya, tibb və
sağlamlıq, ekologiya, mühəndislik, kompüter elmləri üzrə keçirilir. Layihələrin
qiymətləndirilməsi üçün aparıcı alimlərdən ibarət münsiflər heyəti yaradılıb.
Dünən müsabiqə qalib-lərinə mükafatların təqdim edilmə mərasimi
keçirilib.
