Səttar Mehbalıyev türkiyəli həmkarlarına başsağlığı verdi
18 Jul 2016
AHİK-in sədri, Beynəlxalq Həmkarlar İttifaqları Konfederasiyasının vitse-prezidenti, millət vəkili Səttar Mehbalıyev Türkiyə "Kamu-Sen" Konfederasiyasının sədri İsmayıl Koncuka, Türkiyə Devrimçi Sendikaları Konfederasiyasının sədri Kani Bekoya, Avrasiya Kənd Qida Sendikasının sədri Cemail Bakındıya, "Türk Metal" Sendikasının sədri Pervul Kavlaka, "Hak-İş" Konfederasiyasının sədri Mahmud Arslana, Memur Sendikaları Konfederasiyasının sədri Ali Yalçına başsağlığı teleqramları göndərib. Teleqramlarda deyilir:
“Qardaş Türkiyədə baş vermiş dövlət
çevrilişinə cəhd ilə bağlı hadisələri böyük narahatlıq və üzüntü ilə qarşıladıq.
Həmişə Türk xalqının və dövlətinin yanında olan Azərbaycan xalq və dövlətiı
kimi, onun bir hissəsi olan Həmkarlar İttifaqları da Türkiyənin
Konstitusyasına, demokratiyasına qarşı yönəlmiş bu cinayəti qətiyyətlə
pislədiyini bəyan edir. İnanırıq ki, xalqın və dövlətin birliyi görülən
tədbirlər nəticəsində ölkədə vəziyyəti qısa zamanda sabitləşdirəcək və əvvəlki məcrasına
qaytaracaq.
Əziz qardaşlarım,
dövlət çevrilişinin qarşısının alınması üçün canlarını verən şəhidlərin ailələrinə və yaxınlarına
Azərbaycan Həmkarlar İttifaqları üzvləri və şəxsən öz adımdan dərin hüznlə
başsağlığı verir, yaralananların tezliklə sağalmasını arzulayıram.”
