AHİK-də kulturoloji ustad dərsi keçirilib
21 May 2019
Mayın 21-də Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının yardımı ilə Azərbaycan Mədəniyyət Assosiasiyası və “Simurq” Kulturologiya Mərkəzi tərəfindən “Kulturologiya və davamlı inkişaf” layihəsi çərçivəsində Azərbaycan Həmkarlar İttifaqları Konfederasiyasında “Kamilliyə aparan yol” mövzusunda kulturoloji ustad dərsi keçirilib.
Konfederasiyasında “Kamilliyə aparan yol” mövzusunda
kulturoloji ustad dərsi keçirilib.
Ustad dərsində Mədəniyyət İşçiləri Həmkarlar İttifaqı
Respublika Komitəsinin (MİHİ RK) sədri Cəmilə Səttarova və qurumun əməkdaşları
iştirak edib.
Dərsin məqsədi mütəxəssislər və gənclərin sistemli
kulturoloji təfəkkürü və intellektual yaradıcı fəaliyyətlərinin inkişafına,
yeni universal biliklərin, kulturoloji metodologiya, tədqiqat, tədris və idarəçilik
metodlarının mənimsənilməsinə kömək göstərməkdən ibarətdir.
Ustad dərsi çərçivəsində hazırlanmış təqdimat mədəniyyət
və kulturologiya, etika və psixologiya, təfəkkür və davranış, əmək və idarəetmə
mədəniyyəti anlayışlarını açıqlayan, şəxsiyyətin kamilləşmə, düzgün qərar qəbuletmə,
nəticəli dialoq aparmaq və zamanın çağırışlarına ağıllı cavab vermək qabiliyyətini
formalaşdıran 60-dan çox slayddan ibarətdir. Özünüidarə dərsi universal biliklər
və təcrübə, xeyirxahlıqlar və müdriklik, səmərəli əmək texnologiyaları, düzgün
tərbiyə, layiqli davranış, yüksək təşkiletmə və idarəetmə, insan və beynəlxalq
münasibətlər mədəniyyəti ilə şərtlənən uğurlu həyat və fəaliyyətin sirlərini
açıqlayır.
Rəqabətə dözümlü insan kapitalı və yüksəkmədəniyyətli
insan cəmiyyətinin formalaşması və inkişafı, əhalinin sosial aktivliyinin, peşəkar
insan fəaliyyətinin bütün sahələrində əmək mədəniyyəti və məhsuldarlığın
artırılması üçün mühüm praktiki əhəmiyyət kəsb edir.
Dərsi Azərbaycan Respublikasının Prezidenti yanında Dövlət
İdarəçilik Akademiyasının tarix kafedrasının professoru, Mədəniyyət
Assosiasiyasının və “Simurq” Kulturologiya Mərkəzinin rəhbəri Fuad Məmmədov
keçib.
Sonda “Simurq” Kulturologiya Mərkəzinin rəhbəri F.Məmmədov
MİHİ RK-nın sədri Cəmilə Səttarovaya və RK-nın ən fəal əməkdaşlarına, həmçinin
AHİK-in zəhmətkeşlərin mədəni-məişət problemləri üzrə analitik tədqiqat şöbəsinin
müdiri Namiq Hüseynova sertifikatlar təqdim edib.
