AHİK-də Türkiyənin “Egitim Bir-Sen” və “Məmur Sen” Həmkarlar İttifaqlarının nümayəndələri ilə görüş olub
17 Feb 2020
Fevralın 17-də AHİK sədri, Beynəlxalq Həmkarlar İttifaqları Konfederasiyasının vitse-prezidenti Səttar Möhbalıyev Türkiyənin “Egitim Bir-Sen” və “Məmur Sen” Həmkarlar İttifaqlarının sədri Ali Yalçının rəhbərlik etdiyi nümayəndə heyətini qəbul edib
Qonaqları salamlayan AHİK sədri
bildirib ki, sizin ölkəmizə xoşməramlı səfərinizi yüksək qiymətləndiririk. Belə ki, sizin də, bizim də məqsədimiz təmsil
etdiyiniz qurumun AvropaTəhsil Birliyinə
üzvlüyünüzlə bağlı məsələləri müzakirə etməkdir. Biz bu istiqamətdə bütün səylərimizi səfərbər
etmişik. Sözügedən məsələlərlə bağlı Avropa Təhsil Birliyinin rəhbərliyi ilə
görüşlər keçirmişik. Hesab edirik ki, Türkiyə sendikalarının bu qurumda təmsil
olunması hər iki tərəf üçün uğurlu nəticələrə gətirib çıxaracaq. Avropa Təhsil Birliynin rəhbərliyi də də öz növbəsində bu əməkdaşlığın perspektivlərinə
inandıqlarını ifadə edir. Bu günlər ərzində həm sizin təşkilatın və həm də Avropa Təhsil Birliyinin
nümayəndələrinin iştirakı ilə görüşün
keçirilməsi nəzərdə tutulub.
S. Möhbalıyev qonaqların diqqətinə
çatdırıb ki, türkiyəli həmkarlarımızın Avropada fəaliyyət göstərən qurumlara
üzv olması Azərbaycan üçün də əhəmiyyət kəsb edir. Bildirib ki, biz bu məsələlər ətrafında
2 ildən çoxdur ki, danışıqlar aparırıq. Hər səfərimizdə türkiyəli həmkarlarımızın
Avropa Təhsil Birliyinə üzvlüyü müzakirə
mövzumuz olub. Nəhayət sonuncu görüşdə bildirildi ki, bu məsələnin həlli üçün
Bakı ən ideal ünvandır. Hazırda Birliyin rəhbərliyi də Bakıdadır. Avropa, Azərbaycan
və Türkiyəli təhsil işçiləri həmkarlar ittifaqı nümayəndələrinin iştirakı ilə
görüşümüz təşkil olunacaq və təşkilatınızın Avropa Təhsil Birliyinə üzvlük məsələləri
müzakirə olunacaq.
Cənab Ali Yalçın cavab sözündə
bildirib ki, belə bir görüşü Azərbaycanda gerçəkləşdirməmiz bizim üçün fəxarətdir.
Bu ali addımı yalnız azərbaycanlı qardaşlarımız ata bilərdi. Bu səbəbdən Türkiyəyə
göstərdiyiniz diqqət və qayğı bizləri qürurlandırır və bizə bu qüruru
yaşatdığınız üçün sizlərə dərin minnətdarlığımızı ifadə edirəm.
Görüşdə daha sonra hər iki tərəfi
maraqlandıran məsələlər müzakirə olunub.
