Azərbaycan təcrübəsində öyrənməli məqamlar çoxdur
16 Jun 2019
Beynəlxalq İctimai Birlik, Ticarət, İctimai İaşə, İstehlak Kooperasiyası İşçiləri Həmkarlar İttifaqları Konfederasiyası Şurasının növbəti iclası iyunun 16-dan 22-dək Özbəkistanın paytaxtı Daşkənd şəhərində keçirilib.
Şurada MDB ölkələrində ticarət işçilərinin pensiya təminatı,
sahə həmkarlar ittifaqı təşkilatlarının fəaliyyətinin gücləndirilməsi və
nüfuzunun artırılması və Özbəkistan həmkarlar ittifaqları sıralarına yeni üzvlərin
cəlb olunması məsələlərinə baxılıb.
Bu məsələlər ətrafında çıxışlar olub. Azərbaycan “Xidmət-İş”
Hİ Federasiyasının birinci vitse-prezidenti Sadət Tahirova da çıxış edərək
müzakirə mövzusu olan problemlərin həlli istiqamətində ölkəmizdə görülən işləri
diqqətə çatdırıb. Deyib ki, aparılan iqtisadi və sosial islahatlar əhalinin rifah
halının daha da yaxşılaşdırılmasına imkan vermişdir.
Azərbaycanda diqqətçəkən məqam odur ki, şəxsən ölkə
Prezidentinin təşəbbüsü ilə iqtisadi inkişafın gətirdiyi gəlirlər sosial məqsədlərə
yönəldilir. Xüsusilə bu ilin ilk aylarından başlayaraq ölkə başçısı bir-birinin
ardınca onlarla sosialyönümlü inqilabi sərəncamlar, fərmanlar imzalayıb.
S.Tahirova qeyd edib ki, dövlətimiz sosial siyasəti həyata
keçirərkən həmkarlar ittifaqının təkliflərini nəzərə alır. Başqa sözlə, həmkarlar
ittifaqları dövlətimizin yürütdüyü sosial siyasətin fəal iştirakçısıdır.
AHİK-in təşəbbüsü ilə yaradılmış Sosial və İqtisadi Məsələlər üzrə Üçtərəfli
Komissiyada tərəfdaşlar ən mühüm, aktual sosial məsələləri müzakirəyə çıxarır və
müvafiq dövlət orqanlarına təqdim edirlər.
Tərəfdaşlar ilə bağlanmış baş kollektiv sazişlərdə daha
çox işləyən əhalinin və onların ailə üzvlərinin maraqları əksini tapır.
S. Tahirova digər məsələlərə də toxunub. Onun çıxışı
maraqla dinlənilib. Etiraf olunub ki, Azərbaycan təcrübəsində öyrənilməli çox məqamlar
var.
Şura sonda gündəlikdə duran məsələlərlə bağlı qərarlar qəbul
edib.
