Bakıda Beynəlxalq Əmək Təşkilatının dəstəyi ilə seminar keçirilib
10 Dec 2018
Dekabrın 10-da Bakıda Beynəlxalq Əmək Təşkilatının (BƏT) dəstəyi ilə Azərbaycan Həmkarlar İttifaqları Konfederasiyası (AHİK) tərəfindən “Əməyin mühafizəsinin norma və qaydalarının BƏT-in tövsiyə və konvensiyalarına uyğunluğu” mövzusunda seminar işə başlayıb.
Seminarı
giriş sözü ilə açan AHİK sədrinin müavini Cavanşir Alxasov işçilərin əməyinin və
sağlamlığının mühafizəsi məsələlərinin konfederasiyanın prioritet vəzifələrindən
biri olduğunu bildirib. O deyib: “Bu, bir həqiqətdir ki, vətəndaşların əmək
hüquqlarının təmin edilməsi onlar üçün sağlam və təhlükəsiz əmək şəraitinin
yaradılması məqsədilə hər bir ölkədə ədalətli cəmiyyət quruculuğunu şərtləndirən
əsas amillərdən biridir. Dünya iqtisadiyyatının qloballaşdığı bir vaxtda işçilər
üçün təhlükəsiz əmək şəraitinin təmin edilməsi kimi aktual bir məsələnin həllində
səylərin cəmləşdirilməsi olduqca zəruridir. İş yerlərində əmək şəraitinin BƏT tərəfindən
müəyyən edilən norma və standartlara uyğunlaşdırılmasının təşkili həmkarlar
ittifaqlarının üzərinə məsul vəzifələr qoyur. Bu vəzifələrin səmərəli şəkildə
yerinə yetirilməsi onların bilik və təcrübəsindən, peşəkarlıq səviyyəsindən,
dünya təcrübəsinə yiyələnməkdən çox asılıdır.
AHİK və onun üzv təşkilatları beynəlxalq həmkarlar
ittifaqları birlikləri, respublikanın hakimiyyət və idarəetmə orqanları ilə əməyin
mühafizəsinin yeni hüquqi bazasının yaradılması və mövcud hüquqi bazanın təkmilləşdirilməsi
üçün ardıcıl xətt yürüdürlər. Respublikamızda BƏT-in 58 konvensiyası
ratifikasiya olunub, konvensiyaların bir sıra tələbləri respublikamızın əmək,
mülki, cinayət-prosessual, inzibati xətalar məcəllələrində öz əksini tapıb.
Tərəfimizdən əməyin mühafizəsi ilə bağlı bir sıra
qanunverici və normativ aktlara aid verilmiş izahatlar “Analığın mühafizəsi
haqqında” BƏT-in 183 saylı Konvensiyasının ratifikasiyasını təmin edib. Hazırda
əməyin mühafizəsi ilə əlaqədar BƏT-in bəzi, o cümlədən 29, 131, 155, 168, 184 və
187 saylı konvensiyalarının ratifikasiya olunması üçün sosial tərəfdaşlarla
birlikdə müvafiq iş aparılır.
Bu gün biz sosial əməkdaşlığın səmərəliliyini yüksəltmək
məqsədilə sosial tərəfdaşlarımızla yüksək səviyyədə konstruktiv əməkdaşlıq
edirik”.
Diqqətə çatdırılıb ki, Əmək və Əhalinin Sosial Müdafiəsi Nazirliyinin,
AHİK-in və Azərbaycan Respublikası Sahibkarlar (İşəgötürənlər) Təşkilatları
Milli Konfederasiyasının 2012-ci ildə birgə qərarı ilə Əmək və Əhalinin Sosial
Müdafiəsi Nazirliyi yanında Təhlükəsiz və Sağlam Əmək Şəraiti üzrə Milli Üçtərəfli
(Tripartizm) Sosial Şuranı, 2016-cı ildə Azərbaycan Respublikasında Sosial və
İqtisadi Məsələlər üzrə Üçtərəfli Komissiyanın təsis edilməsi bunun bariz nümunəsidir.
Adıçəkilən şuranın və komissiyanın yaradılması ölkədə sosial-iqtisadi inkişafın
təmin olunmasına, həmin məsələlərin həllinə, sosial tərəfdaşlar arasında daha
sıx işbirliyinin yaranmasına, işçilərin və işəgötürənlərin hüquqlarının yüksək
səviyyədə qorunmasına, sosial əməkdaşlığın təkmilləşməsinə xidmət edir. Azərbaycan
Hökuməti ilə BƏT arasında əməkdaşlıq çərçivəsində “2016-2020-ci illər üçün
Layiqli Əmək üzrə Ölkə Proqramı” qəbul edilib. Proqramın hazırlanmasında AHİK fəal
iştirak edib.
Vurğulanıb ki, AHİK-in V Qurultayında 2018-2023-cü illər
üçün Azərbaycan həmkarlar ittifaqlarının fəaliyyətinin əsas istiqamətlərində
layiqli əmək şəraitinin yaradılmasına, işləyənlərin sağlamlığının və təhlükəsizliyinin
təmin edilməsinə, ekoloji problemlərin həllinə və s. nail olmaq nəzərdə
tutulub. Bu vəzifələrin həyata keçirilməsi məqsədilə müvafiq addımlar atılır. “Azərbaycan
həmkarlar ittifaqlarının texniki əmək müfəttişliyi haqqında” Əsasnamə yenidən
işlənərək ona əlavə bəndlər salınıb. Qeyri-rəsmi iqtisadiyyatın
leqallaşdırılması, gender bərabərliyi və gənclərin məşğulluğunun təmin olunması
ilə bağlı bir sıra tədbirlər həyata keçirilib. AHİK hesab edir ki, mövcud
sosial, iqtisadi və digər amillərdən, milli xüsusiyyətlərdən və prioritetlərdən
səmərəli istifadə etməklə aşağıdakı istiqamətlərdə işlərin görülməsi məsələlərin
həllinə müsbət təsir edər: əməyin mühafizəsi ilə bağlı qanunvericilik və
normativ aktların təhqiqat və texniki məsələlərinin işlənib hazırlanmasının
maliyyələşdirilməsini təmin edən dövlət fondunun və müəssisə səviyyəli
fondların yaradılması mexanizminin hazırlanması; Əmək Məcəlləsinə işçilərin sağlamlığının
pisləşməsinə görə müəssisələrin iqtisadi məsuliyyət mexanizminin, həmçinin
sağlam və təhlükəsiz əmək şəraitinin yaradılmasının iqtisadi stimullaşdırılması
mexanizminin daxil edilməsi; Baş Kollektiv Saziş hazırlanarkən “Əməyin mühafizəsi
maqında” Qanunun müzakirə edilməsi. Bununla da kompleks şəkildə sağlam və təhlükəsiz
əmək şəraitinin yaradılmasına və ekoloji problemlərin həllinə, “yaşıl
texnologiyalar”ın, beynəlxalq standartların və normaların tətbiq olunmasına,
layiqli əməyin vacib tərkib hissəsi olan “yaşıl iş yerləri”nin yaradılmasına
çalışmalıyıq.
BƏT-in Azərbaycan üzrə əlaqələndiricisi Yaşar Həmzəyev
deyib ki, Azərbaycan ilə BƏT arasında əməkdaşlıq layiqli əmək üzrə ölkə
proqramı çərçivəsində həyata keçirilir. Əməkdaşlıq proqramı 2016-2020-ci illəri
əhatə edir. Bu proqram çərçivəsində bir sıra prioritetlər mövcuddur, o cümlədən
beynəlxalq əmək normalarının tətbiqi, əməyin mühafizəsi sisteminin təkmilləşdirilməsi,
məşğulluq, xüsusilə gənclərin məşğulluq prioritetlərinin həyata keçirilməsi və sair.
Azərbaycanla BƏT arasında əməkdaşlıq intensiv və səmərəli şəkildə həyata
keçirilir.
Seminarda Beynəlxalq Əmək Təşkilatının nümayəndəsi
Valentin Mokanu çıxış edərək bildirib ki, son illərdə Azərbaycan sürətlə
inkişaf edir. Bu ölkənin rifahı üçün böyük sərmayə yatırılır. AHİK-in də bu
inkişafa mühüm töhfəsi var.
Seminarda əməyin mühafizəsi üzrə BƏT-in son yenilənmə
siyasəti, strategiyası və beynəlxalq normalarda olan dəyişikliklər, əməyin
mühafizəsi ilə bağlı beynəlxalq normalara əməl edilməsinin səmərəliliyinin
artırılması və təkmilləşdirilməsi sahəsində Azərbaycan həmkarlar ittifaqlarının
strategiyası, təhlükəsiz əmək şəraitinin yaradılması-peşə xəstəliyi və
istehsalatda bədbəxt hadisələrin qarşısının alınması sahəsində BƏT-in tövsiyələri,
BƏT-in konvensiya və tövsiyələrinə uyğun olaraq sağlam və təhlükəsiz iş yerlərinin
yaradılmasında həmkarlar ittifaqlarının rolu və digər mövzularda müzakirə və
diskussiyalar keçirilib.
