Daşkənddə“Əmək sferasının gələcəyi” mövzusunda beynəlxalq konfrans keçirilib
14 Dec 2018
Dekabrın 14-də Özbəkistanın paytaxtı Daşkənd şəhərində “Əmək sferasının gələcəyi: Beynəlxalq Əmək Təşkilatının (BƏT) 100 illiyi astanasında layiqli əməyin təmin edilməsi üzrə təşəbbüslər” adı altında beynəlxalq konfrans keçirilib.
BƏT və Özbəkistan hökumətinin təşkilatçısı olduğu bu tədbirə
10 ölkədən nümayəndə qatılıb.
Konfransın açılış mərasimində BƏT-in baş direktoru Qay
Rayder, Özbəkistanın baş naziri Abdulla Aripov və digər rəsmi şəxslər çıxış ediblər.
Çıxışlarda əməyə, məşğulluğa və sosial tərəfdaşlığa dair yanaşmalar səslənib.
Uğurların qazanılması vacib olan əsas hədəflər üzrə fəaliyyət istiqamətləri
açıqlanıb. Səmərəli məşğulluğa dair strateji proqramların hazırlanması, əməyin
mühafizəsinin təkmilləşdirilməsi, xüsusilə gənclər və qadınlar arasında peşə təhsili
sisteminin, özəl məşğulluq agentliklərinin inkişafı, miqrantların sosial müdafiəsinin
gücləndirilməsi və sair məsələlərə diqqət çəkilib.
Konfrans çərçivəsində iki plenar və üç bölmə iclası
keçirilib. Əmək üzrə bölmə iclasında Azərbaycan əmək və əhalinin sosial müdafiəsi
nazirinin müavini Mətin Kərimli “Dayanıqlı İnkişaf Məqsədlərinə layiqli əməyi
inkişaf etdirməklə çatmaq mümkündür” mövzusunda məruzə edib. Bölmə iclaslarında digər ölkələrdən gəlmiş
nümayəndələrin də məruzələri dinlənilib.
Konfransda
Azərbaycan Həmkarlar İttifaqları Konfederasiyasının sədr müavini Cavanşir
Alxasov da əməyin mühafizəsi ilə bağlı çıxış edib.
