“Disput klub” fəaliyyətə başladı
31 Jan 2020
Yanvarın 31-də Mədəniyyət İşçiləri Həmkarlar İttifaqı Respublika Komitəsində gənc üzvlərin “disput klub”u keçirilib.
Sahə Hİ rayon komitə sədrlərinin və gənc fəalların iştiak
etdiyi yığıncağı Respublika Komitəsinin sədri Cəmilə Səttarova açıb.
O, qarşıdan gələn
2 Fevral - Gənclər Günü münasibətilə gəncləri təbrik edərək deyib ki, gənclərin
həmkarlar ittifaqına üzvlüyə motivasiyası onların maraqlarına cavab verməkdən,
tələblərinə uyğun təkliflər irəli sürməkdən və dəstək olmaqdan keçir. Bunun
üçün ilk təşkilatlardan tutmuş, respublika komitələrinə kimi həmkarlar
ittifaqları tərəfindən gənclərin problemləri araşdırılır, çoxsahəli tədbirlər
keçirilir, kollektiv müqavilələr bağlanılır, daimi seminarlar, treninqlər,
forumlar təşkil olunur. Sahə Hİ gənclərinin forumlarının yekunlarını təhlil
etdikdə gənc üzvlərimizin bir ictimaiyyətçi kimi böyük potensialı olduğunu
gördük və orada verilən təklifləri nəzərə alaraq disput klubun təşkilinə qərar
verdik.
Burada məqsədimiz gənc üzvlərin həmkarlar ittifaqı işində
fəallığını artırmaqdır. “Disput klub”da hər hansı mövzu haqqında hər kəs müəyyən
qaynaqlara əsaslanaraq, öz fikrini ifadə etmək imkanına malik olacaq.
Respublika Komitəsinin müxtəlif təşkilatlarında mütəmadi olaraq təşkil olunacaq
“disput klub”da qoyulan mövzular və klubun iştirakçıları daim dəyişəcək.
Tədbirdə
çıxış edən gənclər belə bir təşəbbüsün təqdirəlayiq və faydalı olduğunu qeyd
etdilər.
