Üzv təşkilatlar
Naxçıvan Muxtar Respublikası Həmkarlar
İttifaqları Şurasının sədri
İbrahimov Anar Adil oğlu
4 avqust 1976-cı ildə Naxçıvan
Muxtar Respublikası Babək rayonunun Böyükdüz (indiki Kəngərli rayonunun
Böyükdüz) kəndində anadan olub.
1983-1993-cü illərdə Naxçıvan şəhər Vəli Zeynalov adına 3 №-li rus orta məktəbində orta təhsil alıb. 1993-cü ildə Bakı Sosial İdarəetmə və Politologiya İnstitutunun "Sosial-siyasi münasibətlər - Politologiya" fakultəsinə daxil olub, 1997-ci ildə həmin institutu bitirib.
Ali təhsil aldığı müddətdə Silahlı Qüvvələr üçün ehtiyat zabit hazırlayan kurs bitirib, leytenant hərbi rütbəsi alıb.
Əmək fəaliyyətinə 1997-ci ildə Naxçıvan Muxtar Respublikası Dövlət Antiinhisar Siyasəti və Sahibkarlığa Kömək Komitəsində aparıcı mütəxəssis kimi başlayıb.
1998-ci ildə həmin komitədə şöbə müdiri, 1999-2001-ci illərdə isə komitə sədrinin müavini vəzifəsində çalışıb.
2000-2001-ci illərdə paralel olaraq Naxçıvan Muxtar Respublikası Sahibkarlığa Kömək Fondunun icraçı direktoru vəzifəsini icra edib.
Naxçıvan Muxtar Respublikası Alı Məclisinin 2-ci, 3-cü, 4-cü, 5-ci və 6-cı çağırış seçkilərində deputat seçilib.
29 fevral 2020-ci il tarixdə Naxçıvan Muxtar Respublikası Həmkarlar İttifaqları Şurasının XVIII konfransında Şuranın sədri seçilib.
Ailəlidir, 2 övladı var.
