Təbii Sərvətlər və Ekologiya işçiləri Həmkarlar İttifaqının IV qurultayı keçirilib
14 Oct 2017
Oktyabrın 14-də keçirilən qurultayda Respublika Komitəsinin sədri Telman Quliyev hesabat məruzəsi ilə çıxış edib.
O,
məruzəsində beş il ərzində görülən işlər barədə ətraflı məlumat verib. Qeyd
edib ki, təşkilatlanma və idarəetmədə yeni metodların tətbiqi, həmkarların hər
birinin səsinin eşidilməsi, çətin anlarda hər bir üzvün yanında olması əsas məsələlərdən
olmuşdur. Əmək, İnzibati Xətalar məcəllələrinə, "Həmkarlar ittifaqları
haqqında" qanuna əlavə edilən dəyişikliklər həmkarlar ittifaqının vəzifələrini
layiqincə yerinə yetirməyə, nüfuz səlahiyyətlərinin artmasına, işəgörürənlə
işçilər arasında münasibətlərin tənzimlənməsinə, maliyyə vəziyyətinin
yaxşılaşmasına səbəb olmuşdur. Hesabat dövrü ərzində xidmətimizdə olan müəssisələrdə
bir sıra struktur dəyişiklikləri aparılmış, birləşmələr, ayrılmalar olmuş, yeni
müəssisələr yaradılmışdır. Təşkilat sədrləri, fəallar müntəzəm olaraq Azərbaycan
Əmək və Sosial Münasibətlər Akademiyasının kurslarına, treninqlərə göndəriliblər.
RK-
nın sədri daha sonra sahə kollektiv sazişindən danışarkən bildirib ki, hazırda
qüvvədə olan 2017-2019-cu illər üçün sahə kollektiv saziş əvvəlkindən daha çox
fəqlənir. Bu saziş və müqavilələrdə əsasən işəgötürənlə əmək kollektivi
arasında olan öhdəliklər öz əksini tapıb. Öhdəliklərin təmin olunması sahəsində
kifayət qədər işlər görülüb.
Məruzəçi
qeyd edib ki, biz Beynəlxalq Əmək Təşkilatının ekologiya və təbii sərvətlər sahələri
üçün normativlərinin, müddəalarının kollektiv müqavilələrə daxil edilməsinə
nail olmuşuq. Lakin elə müəssisələr var ki, orada dediklərimizi həyata keçirə
bilmirik. Səbəb Sahəmizə aid olan taxta və taxta emalı müəssisələri, həmçinin
mebel fabriklərində sahibkarların işçilərin həmkarlar ittifaqlarında birləşməsinə
imkan verməməsidir.
Respublika
Komitəsinin fəaliyyətinin mühüm istiqamətlərindən biri işçilərin
sosial-iqtisadi mənafelərinin qorunmasıdır.
Natiq
təşkilatlarda çalışan qadın və gənclərlə bağlı məsələlərdən danışarkən qeyd
edib ki, idarə və müəssisə işçilərinin əksəriyyətini qadınlar təşkil edir.
Qadınların əməyinin mühafizəsi xüsusi diqqət tələb edən və çox vacib məsələdir.
Bu
gün həmkarlar ittifaqı üzvlərinin 50%-dən çoxunu gənclər təşkil edir. Respublika
Komitəsi və onun üzv təşkilatlarının fəaliyyətində gənclərlə bağlı məsələlər,
onların təhsili, ailə-məişət problemləri, mənzil təminatı və s. diqqət mərkəzindədir.
Respublika
Komitəsi idman sahəsinə də xüsusi diqqət ayırır. "Ekosport" və
"Geosport" idman klubları təşkilatımız tərəfindən maliyyələşdirilir.
Beynəlxalq
həmrəyliyi möhkəmləndirmək üçün bir sıra beynəlxalq təşkilatlarla əlaqələr qurulmuş,
müxtəlif beynəlxalq tədbirlərin iştirakçısı olmuşuq.
İşçilərin
sağlamlığının qorunması və istirahətinin təşkili məqsədilə hər il yay aylarında
Quba, Qusar, Xaçmaz, Lerik, Gəncə və digər rayonlara qısamüddətli gəzintiləri təşkil
olunub.
Həmkarlar
ittifaqı təşkilatları ən yeni informasiya - kommunikasiya vasitələri ilə təmin
olunub. Respublika Komitəsinin elektron poçtu yaradılıb.
Təbii Sərvətlər
və Ekologiya İşçiləri Həmkarlar İttifaqının VI Məclisində, həmçinin xidmətimizdə
olan həmkarlar ittifaqlarının hesabat-seçki yığıncaqlarında Azərbaycan Həmkarlar
İttifaqları Konfederasiyasının 2018-ci ildə keçiriləcək V qurultayında
Konfederasiyanın sədrliyinə Möhbalıyev Səttar Suliddin oğlunun namizədliyinin
irəli sürülməsi və AHİK-in qurultayında müdafiə olunması tövsiyə edilib. Biz də sizin təkliflərinizi müdafiə edirik.
Sonra təftiş
və mandat komissiyalarının hesabatları dinlənilib.
Ekologiya
və Təbii Sərvətlər nazirinin müavini Firdovsi Əliyev nazir Hüseyn Bağırovun təbrikini qurultay
iştirakçılarına çatdıraraq söyləyib ki, son illərdə ölkəmizin təbii sərvətlərinin
və ekologiyasının qorunmasında çox böyük işlər görülüb. Milyonlarla ağac əkilib, yeni yaşıllıqlar salınıb. Ümumiyyətlə, ölkəmizin flora və faunası xeyli
yaxşılaşıb. O, bütün bu işlərdə həmkarlar ittifaqı təşkilatlarının əməyini
xüsusilə vurğulayıb.
Qurultayda
çıxış edən AHİK sədrinin müavini
Cavanşir Alxasov bu əlamətdar hadisə ilə bağlı AHİK sədri, millət vəkili Səttar
Möhbalıyevin təbrikini nümayəndələrə çatdırıb, qurultayın işinə uğurlar arzulayıb.
Açıq səsvermə
yolu ilə Telman Quliyev yenidən Respublika Komitəsinin sədri seçilib.Sonda fərqlənən həmkarlar ittifaqı fəallarına Fəxri fərmanlar
təqdim edilib.
