Türkiyədə İnşaat və Meşə İşçilərinin Beynəlxalq Həmkarlar İttifaqının konfransı keçirilib
20 Dec 2018
Ötən həftə Türkiyə Respublikasının Adana şəhərində İnşaat və Meşə İşçilərinin Beynəlxalq Həmkarlar İttifaqının (BWİ) Regional konfransı və Avropa Regional Komitəsinin görüşləri keçirilib.
Konfransda müxtəlif ölkələrin meşə və inşaat işçiləri həmkarlar
ittifaqı təşkilatlarından nümayəndələr iştirak edib.
Konfransın açılış sessiyasında BWİ-nin Baş katibi Ambet
Yuson İnşaat və Meşə İşçilərinin Beynəlxalq Həmkarlar İttifaqı Birliyinin
gördüyü işlər və konfransın əsas məqsədi barədə məlumat verib. Daha sonra
nüfuzlu beynəlxalq həmkarlar ittifaqı təşkilatlarının nümayəndələrinin
çıxışları dinlənilib. Tədbirdə əsasən Avropaya daxil olan həmkarlar ittfaqları
öz təcrübələrini bölüşüblər, strateji iş planı müzakirə olunub və bununla
yanaşı, Avropaya köç edən miqrantların vəziyyəti müzakirə edilib.
Ölkəmizi təmsil edən Təbii Sərvətlər və Ekologiya İşçiləri
Həmkarlar İttifaqı Respublika Komitəsinin sədri Telman Quliyev tədbirdə çıxış
edərək Avropaya köç edən miqrantların vəziyyətindən danışıb, o cümlədən Dağlıq
Qarabağdan olan bir milyon qaçqının bu problemi yaşadığını qeyd edib və
bildirib ki, Azərbaycan bu sahədə dünyada ən çox əziyyət çəkən ölkələrdəndir. İkili
standart bizə imkan vermir ki, işğal olunmuş ərazilərimizi düşmənlərimizdən
azad edək, 25 ildir ki, bu problemi yaşayırıq.
Çıxışlar
ətrafında müzakirələr aparılıb və növbəti illər üçün strateji iş planı qəbul
edilib. Tədbirin son günü iştirakçılar suriyalı qaçqınlar üçün Sarıçamda inşa
olunmuş müvəqqəti sığınma düşərgəsini ziyarət ediblər və onların yaşayış şəraiti
ilə tanış olublar.
